
大寶伏藏TD440རྒྱ་ཅན་གྲོ་ལོད་ཟོར་བྱང་།
13-16-1a
༄༅། །རྒྱ་ཅན་གྲོ་ལོད་ཟོར་བྱང་།
༄༅། །ལྕགས་སམབྷནྡྷའི་སྣོད་ནང་དུ། །འབྲུ་སྣ་ལྔ་ལ་དར་ཕྱེ་བྱས། །དྲག་པོའི་བཤོས་བུ་ཟུར་གསུམ་བཞེངས། །མདའ་མདུང་མཚེ་ཡུངས་རྩང་གིས་བརྒྱན། །མྱོས་བྱེད་དུག་དང་ཁྲག་གིས་བྱུགས། །རྩ་བར་འདོད་ཆགས་ཁྲག་མཚོའི་ཁྱིལ། །ངོས་ལ་ཞེ་སྡང་མ་དཔུང་འབར། །འོག་ཏུ་གཏི་མུག་མུན་པ་འཁྲིགས། །རྩེ་མོར་མཚོན་ཆའི་བུ་ཡུག་འཚུབས། །རྐེད་པར་རིག་འཛིན་དམག་དཔུང་བསྡུས། །རིག་འཛིན་རོལ་པའི་གཏོར་ཟོར་འདི། །འཕང་ནི་རིག་འཛིན་ཉིད་ཀྱིས་འཕང་། །བརྡེག་པ་དམ་ཉམས་དགྲ་ལ་བརྡེག །དགྲ་ཁམས་ཐལ་བའི་རྡུལ་དུ་རློག། །།


